ຄຳແທ່ງ LBMA ແມ່ນຄຳທີ່ຜະລິດໂດຍໂຮງຫຼອມທີ່ຖືກຮອງຮັບເຂົ້າຢູ່ໃນບັນດາການຈັດສົ່ງທີ່ດີ (The Good Delivery ໂຮງຫຼອມທີ່ໄດ້ຮັບການຮອງຮັບຈາກສະມາຄົມຕະຫຼາດຄຳແທ່ງແຫ່ງລອນດອນ). ດັ່ງນັ້ນ, ຄໍາ LBMA ທີ່ເປັນສະມາຊິກ The Good Delivery ແມ່ນຄໍາແທ່ງ 999.9% ທີ່ຜະລິດດ້ວຍມາດຕະຖານ ແລະ ຄຸນນະພາບດຽວກັນເຊັ່ນ: PAMP, Metalor, Perth Mint, Argor Heraeus, Valcambi.

ສະມາຄົມຕະຫຼາດຄຳແທ່ງແຫ່ງລອນດອນ (LBMA) ແມ່ນສະມາຄົມການຄ້າລະຫວ່າງປະເທດ, ເຊິ່ງເປັນຕົວແທນຂອງຕະຫຼາດໂລກສໍາລັບຄໍາ ແລະ ທາດເງິນທີ່ມີຖານລູກຄ້າທົ່ວໂລກ. ຕະຫຼາດຄຳແທ່ງລອນດອນ ແມ່ນຕະຫຼາດຄ້າສົ່ງສຳລັບການຊື້-ຂາຍ ຄຳ ແລະ ເງິນ. ການຊື້-ຂາຍ ດໍາເນີນພາຍໃນບັນດາສະມາຊິກຂອງສະມາຄົມຕະຫຼາດຄຳແທ່ງແຫ່ງລອນດອນ ທີ່ຄຸ້ມຄອງໂດຍທະນາຄານແຫ່ງປະເທດອັງກິດ. ສະມາຊິກສ່ວນໃຫຍ່ແມ່ນທະນາຄານສາກົນທີ່ມີບົດບາດສຳຄັນ ຫຼື ຕົວແທນຈໍາໜ່າຍຄຳແທ່ງຈຳນວນຫຼາຍ ແລະ ບັນດາໂຮງຫຼອມ.